काला छौरा

भाइयो चंडीगढ़ का मामला कई बार उछल लिया हरियाणा इसपे आपना हक़ जताव सै और पंजाब आपना हक़ बताव सै /एक बै न्यू ऐ चंडीगढ़ में फैसला होना था की किसका है यो /सारे पंजाब के भी आगे और हरियाणे के भी ट्रक्टर भर भर कै पहुच गे /एक हमारे गाम सारे बलियाने गाम के भी ट्रक्टर भर कई उडे चले गए /बलियाने तै एक उन मैं काणा भी बैठ लिया ट्रक्टर मैं उसका नाम बलु काणा था /पंचायत होने लाग गी पर फसला होके ऐ न दे / फेर चंडीगढ़ के राज्पाल ने न्यू कही अक भाई सेर और सायरी हो ज्या. जो सब तै बढिया सायरी सुनावेगा चंडीगढ़ उसका /सब तै पहला एक सरदार जी खड़े हुए सायरी सुनावन लाग गे----भाई फूलों में फूल गुलाब दा और चंडीगढ़ पंजाब दा सब ने बड़ी तारीफ करी वा बही वा एब आया हरियाणे कै नंबर / कोई भी ना उठा किसे नै भी सायरी ना आवे .काणे नै खोली एक आँख . अरे न्यू बोल्या मैं सुनाऊंगा / सब नाटे उस ने पर न माना /न्यू बोल्या -उत्ता मैं उत् बलियाने काअरे चंडीगढ़ हरियाणे का अर तुम ब्या कर दो इब काणे का सब ने ताली बजाई और चंडीगढ़ जीत गए
*********************************************
एक बै फत्तू खेत म्ह रेडियो सुन्णे था। रेडियो पै एक लुगाई बताण लाग री थी, बंबई मै बाढ़ आ गी, गुजरात मै हालण आग्या, दिल्ली म्ह... फत्तू नै देख्या पाच्छै नाका टूट्या पड़्या सै, अर बाणी दूसरे के खेत म्ह जाण लाग रहया सै। फत्तू छोंह म्ह आकै रेड़ियो कै दो लट्ठ मारकै बोल्या - दूर-दूर की बताण लाग री सै, लवै नाका टूट्या पड़या सै, यो बतांदे होए तेरा मुँह दुक्खै सै।
***************************************************
एक बै बरात में घणां काला छौरा चला गया.फ़ेरे होणे के बाद लडकी वाले कहण लागे.इस काले छौरे नै तै.याहडे ही छौड जाओ.बराती परेशान और हैरान हो के.छौरी आळा तै बूजणं लागे.थम के करोगे.इस काले का?छौरी वाले बोले.रात म्हारी भैंस ब्याई थी.और उसका काटडा मर गया.काले नै दिखा कै.भैंस का दूध काढ लेंगें .